Get all 25 Taxila releases available on Bandcamp and save 40%.
Includes unlimited streaming via the free Bandcamp app, plus high-quality downloads of BeatRoot recipe, PORTRAIT, ΔΡΟΜΟΣ, Unter Den Linden (Remix Popgesang), Les 7 Péchés Capitaux, Rock'n'Roll, Planche N° 2 Une journée particulière, Paris Berlin Minsk Sofia, and 17 more.
1. |
An delienn
05:04
|
|||
|
An delienn
A bep tu d’al Leger du
Eflennoù hirvoan a-regennad
O sevel uhel en oabl o gwernioù sonn.
Du-mañ du-hont ur wezenn-onn :
Tul gwer o krenañ en aezhenn.
Gorre lor an dour : melezour splann
O tameuc’h an daolenn :
Deñved gwenn iskis en oabl glas
Ha bolz-enor ar gwez bras.
Islonk hag ec’honder troad-ouzh-troad.
Un delienn rous o tiskenn eus an ec’honder.
Un delienn rous o sevel eus an islonk.
Gant an hevelep tizh : gorrek hag a-skij
An hevelep ment o-div, an hevelep liv
A-skij unan goustad o tiskenn
A-skij unan goustad o sevel
War gorre lor an dour e pok an eil d’eben
N’eus mui ’met un delienn
A dalc’h da vont, plaen,
da heul he flanedenn.
Diskar-amzer 1963
|
||||
2. |
Noz sioul
03:12
|
|||
|
Noz Sioul
Klozet eo an Noz
Tavet pep trouz
Pep safar
Pep sarac’h
Tavet an avel
Tavet eostig ar c’hoad
Ha skrilh al lanneg.
Emañ an draonienn o hun
Hep luskell
Hep kan
Er sioulded.
Nep fiñv, nep lec’h
Peoc’hleun eo an noz
Nemet du-hont pell, a-boan merzus
Hiboud sioul an dour e kildroenn an draonienn :
An noz o hunvreal.
14 a viz Mae 1964
|
||||
3. |
Kan d'al leger
04:52
|
|||
|
Kan d’al Leger
I
Sioul e tirollez, Leger,
Da ruban voulouz du.
E kreiz ’tre ar pradeier
Gwez pupli e bep tu.
Hiboudiñ ’ra da zourioù,
O ruilhal dreist ar skluzioù.
Hag a-bell,
Te ’luskell
Din va hunvreoù…
II
Gwechall, bugale seder,
A vilin da vilin,
Ni ’leunie da bradeier
Gant hon c’hoarzhoù lirzhin.
Azezet war da ribloù,
Ni ’gonte hor c’hevrinoù
’Us d’ar Froud
O hiboud’
Ni ’rae hunvreoù…
III
Pegen koant da vilinoù
’Hed an draonienn kent stank.
Na kanañ ’rae da skluzioù,
Gwechall p’edon yaouank.
Hag a-grap an tosennoù :
Chapelioù ha manerioù.
Kant kastell.
Kant tourell.
Koant ’vel hunvreoù…
IV
Pa rin va hun diwezhañ
Dindan an ivinenn
Pa vo ’n avel o c’hwezhañ
’Soñjin c’hoazh en draonienn
Me ’glevo boud da zourioù.
Me ’glevo kroz da skluzioù.
Du-hont pell
O luskell’
Din va hunvreoù…
29 a viz Here 1963
|
||||
4. |
Doureier
03:31
|
|||
|
Doureier
Glav war Vreizh. Glav
Noz deiz, hep arsav.
Hep tav
Beuzet an douar.
An here en arvar.
Touflezioù aet da boulloù
Hentoù don da ganolioù
Ar wazhig da froud.
Boud er saonenn
Fromus an daolenn !
Savet en e wele meur
Al Leger du
A led a bep tu
E zourioù koeñvet
Melenet
Gant pri ar porzhioù lous ;
Dour melen-rous.
Herr war ar stêr.
Ar skluz a froum.
Fru ha spoum
A sav en aer.
Ar prad zo ul lenn.
Ar vilin un enezenn.
Gwern ar ribloù distroadet,
Stouet :
Gwernioù bagoù stradet…
War ar Pont Kozh roman
E beder bolz mein
Bepred divrall
(Labour gwechall !)
Daou den a ziviz dinec’h :
— Dont ’ray emezo an eoged war grec’h
Pesketaerien
Laouen.
Chandelour 1965
|
||||
5. |
Va zraonienn din-me
05:10
|
|||
|
Va zraonienn din-me
Klev ar gouerioù koant o hiboud
Skluzioù al Leger o hirvoud
Ouzh tor ar menez kroz ar Froud
O pegen kaer
Eo traonienn al Leger
O pegen kaer
Va zraonienn din-me !
Pa c’hwezh an avel er gwez pin
Pa ganont ’vel Telenn Varzhin
Sonerezh hud ha leungevrin
O pegen kaer
’Vez traonienn al Leger
O pegen kaer
Va zraonienn din-me !
Lannegi aour, brugeier ruz
A-hed ar c’hleunioù bleuñv burlu
Skrilhed o kanañ a bep tu
O pegen kaer
Eo traonienn al Leger
O pegen kaer
Va zraonienn din-me !
Pegen dudius ar maezioù
Pegen pinvidik ar c’hoadoù
Pa dro da aour an holl delioù
O pegen kaer
’Vez traonienn al Leger
O pegen kaer
Va zraonienn din-me !
Pa guzh an heol a-dreñv ar roz
Pa gan an Eostig ’traoñ ar c’hloz
Pa son Añjeluz ar serr-noz
O pegen kaer
’Vez traonienn al Leger
O pegen kaer
Va zraonienn din-me !
Nag un dudi mont da bourmen
Dre hentoù don ha gwenodenn
’Touez ar bleunioù ’hed an draonienn
O pegen kaer
Eo traonienn al Leger
O pegen kaer
Va zraonienn din-me !
7 a viz Ebrel 1970
|
||||
6. |
Ar weladenn
03:55
|
|||
|
Ar weladenn
D’am mignonez vat Bertina
N’am boa ket lavaret dit
(Ma vije brasoc’h da eston)
N’am boa ket lavaret dit emaint-i dasorc’het :
An ti m’out ennañ ganet, milin da yaouankiz…
Ha p’edomp aet evel en hañvioù all
En pirc’hirinded d’an draonienn,
Am eus gedet war da zremm
Un arouez eus da from…
Bras eo bet da estlamm,
Ma’z out chomet sonnet !…
… Dorn-ha-dorn hon-div, evel gwechall
Omp aet davet ar perc’henn : un Estren hegarat.
— Degas ’ran deoc’h, Aotrou, an diwezhañ milinerez !
Divizet hoc’h eus ur pennadig.
… Sioul ha soñjus edos avat war hent an distro :
— Petra ’c’h eus, Bertina ? Un daerenn a welan !
— N’ouzon ket re… Kemmet eo pep tra.
— Re gaer a lârez ? Tud pinvidik int.
— Deuet ’oan boas eus an dismantroù. Poanius, ya.
Met bez’ edont un aspadenn eus an Tremened.
Un amzer nevez o sevel bremañ war va Bed kozh
Na distroin mui d’an draonienn…
2 a viz Eost 1964
|
||||
7. |
Milinoù kozh
03:11
|
|||
|
Milinoù kozh
I
Milinoù koant
A droe drant
O Rod en dour
Milinoù koant
A vale drant
Bleud gwinizh flour
Sed an tourlant
Aet en dismantr
Gant red an dour.
II
Mui rod na dro
War ar vein-to
’Mañ ’n iliav glas
Ar skluz a voud
Hag a hirvoud
’Vel taolioù glaz
D’ar milinoù
’N o dismantroù
Allaz ! Allaz !
III
Tavet int holl
Hag aet da goll
Ar mein-milin
Tavet int holl
Echu o roll
Graet o begin
Hag an dour-koll
’Ya ’vel ur foll
Gant ar ribin.
IV
Arzourien zo
Deut war o zro
Hiviziken
E vint-i koant
O c’hoarzhin drant
’Hed an draonienn
War ribl an dour
O dremmoù flour
’Darre laouen…
10 a viz Gwengolo 1970
|
||||
8. |
Me ’garje bout
04:49
|
|||
|
Me ’garje bout
Pa welan-me skornet ar stêr
Me ’garje bout an Nevez-hañv
Me ’garje bout ur barrad glizh
Pa welan suilhet ar Peurvan
Pa welan ’n Heol o vont da guzh
Na me ’garje bout ul Livour
Pa welan ’r c’hlañvour o c’houzañv
Me ’garje bout ur Pareour
Pa welan digor ur rozenn
Me ’garje bout ur valafenn
Pa glevan ’n arzour o kanañ
Me ’garje bout ar ganaouenn
Pa glevan ’n avel o c’hwezhañ
Na me ’garje bout un Delenn
Bout Izold ar Veleganez
O selaou Telenn aour Marzhin
Me ’garje bout milinerez
Pa welan tourlant ur vilin
E-metoù lili-dour al lenn
Me ’garje bout un alarc’h gwenn
Me ’garje bout koumoulenn roz
Pa sked warni an Heol vintin
Ha boud garlantez glizin
War voger louet ur maner kozh
Me ’garje bout ur steredenn
O lintrañ war vantell an noz
Me ’garje bout ul lilienn
Me ’garje bout ur bodig roz
Pa welan mousc’hoarzh ur Babig
Na me ’garje bout e vammig
Pa welan ur rozenn skedus
Me ’garje bout al liorzhour
Pa welan ’r vaouez kenedus
Me ’garje bout he melezour
Me ’garje bout an alc’houeder
O tibun e ganenn vintin
E porched an Neñv bout sant Pêr
Ha digeriñ d’an Evn lirzhin
Pa deuy en-dro Nevenoe
Me ’garfe bout ar Menez Bre
E don lagad seder ur gour
Me ’garje bout ur vleuñvenn lin
Me ’garje bout d’un devezh dour
Ar ganevedenn he seizh liv
Me ’garfe bout an Eostig noz
O telennañ en Dervenn gozh
Me ’garje bout ar winizhenn
A hadan en Erv d’an Here
A vez tañvouezenn da C’houere
Ha da Wengolo Hostiv wenn !
Kentañ Sul ar C’horaiz 1968
|
||||
9. |
Postlude du leguer
03:17
|
|||
If you like 8 Songs en langue bretonne, you may also like:
Moments Remixes
by Michael Vincent Waller
There’s a quiet beauty to this remix album of compositions by Michael Vincent Waller, with contributions from JLin, Prefuse 73, & more.
go to album
Thinking of Blue Almonds Part One
by Lou Lyne & the Blue Almond Project
Somber, beautiful string meditations abound on the debut album by Oxford cellist and composer Lou Lyne and her ensemble.
go to album
Ki moun ou ye
by Nathalie Joachim
Vocalist, flutist, and composer blends traditional instrumentation with jazz-inflected neoclassical arrangements.
go to album
Diaries: Schumann
by Tiffany Poon
Comprising 32 takes on iconic Robert Schumann compositions, the emergent pianist's Pentatone debut is a must-hear for classical fans.
go to album
A gorgeous project that explores the intersections of neoclassicism, folk, ambient and electronic textures.
go to album
The Seasons Are Not Four
by Alex Kozobolis
A meditative set of free-flowing piano improvisations from the English/Greek composer.
go to album
Minimalist modern classical that captures the slowly unfolding beauty of post-rock groups like Rachel’s.
go to album
